عندك/ي حياء ؟؟؟

بشغلك سواء كنت شب او بنت .... عندك حياء؟؟ كيف بتتعامل مع البنات وانتِ كيف بتتعاملي مع الشباب؟؟ قصص وضحك وحكي وكلام ما الو علاقة بالشغل؟؟ و الا بس بحدود الشغل ولا حرف زيادة ؟


بجامعتك ؟؟ سواء كنت شاب او بنت عندك حياء ؟؟ كيف بتتعاملي مع الدكاترة للضرورة القصوى وبس والا بتصاحبيهم على رأي البعض ( صاحبي الدكتور بيعطيكِ العلامه اللي بدك ياها !! سبحان الله كلام محرج حتى وانا بكتب فيه )
لاحظوا انا ما ذكرت مع زملائك الطلاب لانو ما ااتصور ممكن تكوني بحاجة لشب تحكي معو بخصوص الدراسه لانو البنات مليانين وفي المنيحه واللي بتساعد واللي ما بتساعد

هل يا ترى يا أختي ضحكاتك بتكون عاليه وبتلفت النظر بتقولي عاااااااااادي شو يعني حرام انبسط؟؟ لا انتبهي الله يرضى عليكٍ ...وراجعي نفسك لانو في حديث رح اذكره في النهاية خطير
وانت يا شاب ... عندك حياء بتعاملك مع زميلاتك او بالأحرى بتغض البصر ؟؟ والا بتعمل كل الوسائل تتعرف فيها على البنت الفلانيه ؟


عنا حياء ؟؟
كل واحد يسأل نفسه
وعلى فكرة ممكن ندرب نفسنا على الحياء خطوة خطوة ( للي وجد نفسه فاقد للحياء ) ما تيأسوا





.......
قال صلى اله عليه وسلم حبيبنا وقدوتنا واغلى الناس على قلوبنا
الحياء لا يأتي إلا بخير
الراوي: عمران بن حصين المحدث: الألباني - المصدر: صحيح الجامع - الصفحة أو الرقم: 3202
خلاصة حكم المحدث: صحيح


....
الحياء خير كله
الراوي: عمران بن حصين المحدث: الألباني - المصدر: صحيح الجامع - الصفحة أو الرقم: 3196
خلاصة حكم المحدث: صحيح



....
الحياء والإيمان قرناء جميعا فإذا رفع أحدهما رفع الآخر
الراوي: عبدالله بن عمر المحدث: المنذري - المصدر: الترغيب والترهيب - الصفحة أو الرقم: 3/350
خلاصة حكم المحدث: [إسناده صحيح أو حسن ]